martes, 17 de noviembre de 2009

EXPOSICIÓN DARWIN, NAVEGANDO NO BEAGLE




O vindeiro 24 de novembro, ás 20:00 comezarán as singraduras do Beagle no Museo do Mar de Galicia. Unha exposición que achegará a loxística das expedicións científicas dos séculos XVIII e XIX, e, nomeadamente, o segundo viaxe do Beagle onde un rapaz chamado Darwin sería quen de recabar a información necesaria para formular a súa hipótese sobre a orixe das especies. A exposición contará cos seguintes alicerces: 1. Os antecedentes das exploracións científicas (Cook, Laperousse, Malaspina) 2. Darwin e o seu entorno familiar 3. Fitzroy, capitán do Beagle, meteorólogo, cartógrafo e gran responsable da preparación do buque 4. A viaxe do Beagle: percorridos en terra, percorridos marítimos, loxística de envíos, toma de datos e recollida de mostras 5. A análise da información 6. A formulación da súa hipotese e consecuencias 7. Sabemos todo sobre a evolución? A mostra contará cun tratamento excepcional dos gravados realizados na expedición, programas multimedia específicos así como a presenza de dúas réplicas do Beagle xunto con pezas e mostras de gran calidade. Asemade e como complemento á exposición, o vindeiro día 26 teremos a posibilidade de contar co investigador británico Robert Prescott, unha das máximas autoridades no estudo do Beagle así como co director do Museo do Cantábrico, José Luís Casado Soto, ambos disertando sober as expedicións científicas e abrindo un ciclo de conferencias sobre Darwin e a evolución. Agardámovos a partires do vindeiro xoves,

1 comentario: